鍾嘉欣、廖碧兒,兩位無線當家花旦,前者頻頻拍電影,雖然失意香港電影金像獎「最佳新演員」,但仍賺得不少真銀,後者則狂接廣告,雙雙成爲無線最搵錢的女藝人之一,不過她們坦言不怕其他花旦妒忌,更表示齊齊撇開性感,以健康形象取勝。

鍾嘉欣:鍾
廖碧兒:廖


鍾:好多人話我哋賺好多錢,其實自己賺到幾多錢都唔會知,因爲我全部交曬畀媽咪管。

廖:系啦!我啲錢都系畀曬屋企人打理,唔明白點解傳媒知道我哋賺幾多錢,最怕佢哋成日話我哋系靠性感賺錢,其實我哋都唔系。

鍾:性感要睇場合,唔系個個廣告商都鍾意性感,況且我一向畀人感覺都唔系性感,我形象系乖乖女,唔系特別靚特別好身材,未必性感得起,但系我有觀衆緣,可能亦因爲咁所以先比較多廣告商搵。

廖:我同意廣告商搵我哋,唔系得性感呢個因素,仲有好多其他因素,我可能因爲識得跳舞同唱歌,再加上畀人感覺開心,我覺得呢樣嘢先系主要原因。

鍾:系呀!我都覺得你形象好開心,成日笑笑口,畀人好鬼妹仔感覺,但系除咗自己形象之外,劇集角色都會有一定幫助,你同唔同意?

緣自皆大歡喜

廖:當然同意,我一入行就拍《皆大歡喜》,一拍就拍咗兩年半,到依家啲人仲叫我做「公主」,我就系憑呢個角色入屋,亦爲我日後事業打好個底。

鍾:原來我哋都系憑《皆大歡喜》打響頭炮,因爲我第一套劇系演時裝版《皆》,但系最令人印象深刻角色,我估會系《溏心風暴》嘅「常在心」角色,呢個角色真系爲我帶嚟好多嘢,帶挈我賺唔少錢,包括拍攝電影。

廖:所以賺錢有好多因素,唔一定性感就賺錢。

兩位新紮花旦,出道短短數年,已經成爲「吸金」小天後,驕人成績,會否惹來其他花旦妒忌?

廖:點會呀!每個藝人都有唔同嘅路去行,唔系爲錢。

鍾:如果爲錢,唔應該繼續喺娛樂圈,應該去金融界。

廖:系呀,大部分藝人都系爲興趣而加入娛樂圈,好似我之前拍《舞動全城》入院兩次,如果爲錢我唔會做。

未信招人妒忌

鍾:我唔覺得自己有嘢畀人妒忌,我又唔算富婆,不過我覺得自己真系好好彩,其實以我性格真系唔啱做娛樂圈,好在我嘅運氣比較好,所以我唔會諗有冇人妒忌自己,我只會做好自己。

廖:同埋錢系搵唔曬,我哋冇搵曬啲錢,外邊仲有大把機會搵錢,所以點會有人妒忌啫!

鍾:我個人都唔貪心嘅!如果畀我揀,我寧願要開心,我夠羨慕其他人擁有愛,所以人睇我好,我睇人好嘅啫!

太陽報 2008.04.27


arrow
arrow
    全站熱搜

    婕兮 發表在 痞客邦 留言(0) 人氣()