BELOVED

在新劇《掌上明珠》中，陶大宇飾演的洪耀生，是一名自負自大、愛走捷徑，為達目的可以犧牲感情的人。

2007年，大宇被指與郭羨妮戲假情真，他因而犧牲了與妻子黃慧寶（阿寶）一段長達17年的感情，結束為期7年的婚姻生活。
離婚，令大宇信心盡失，「師奶殺手」慘變賤男，負面影響超乎想像。

「經一事、長一智」，劫後餘生的大宇回顧過去沒有後悔，反而感謝當中的經驗令他成長，成為一個堅不可摧的人。

大宇在劇集《掌上明珠》中的角色，是一個以錢為出發點的人，但他認為這個只是角色的性格表面。「其實佢真正性格並唔係咁，佢都係有血有肉人，只係做有原則有原因，但佢行為表現好容易畀人覺得佢係一個好衰人。」就因為要演繹這樣一個表裏不一的人，連演戲經驗豐富的大宇也差點被考起。「劇本未出齊，開頭演時候好『飄』，因為佢一時好衰、一時又會講番人話，所以最初演時都捉唔到，有好多都係靠估，冇咩信心，但拍落之後都開始搵到個中心點。」

舊人走新人入

角色具挑戰性外，也有其他有趣地方，原來大宇跟劇中的大表妹商天娥（娥姐）是同期訓練班同學，今次是兩人認識了20多年來第一次合作的劇集。「仔陣我成日出去玩、去蒲，但從來都冇合作做過戲，所以大家入廠見到對方都會好想笑，呢就係緣份，但呢個緣份等20年先。」

娥姐之外，大宇跟林保怡、宣萱等是多年老拍檔，雖然久未合作，但仍然給大宇安心的感覺。「大家都知道，呢行不斷有舊人走、新人入，流動性好大，之前我離開，之後再返去已經人面全非，又拍過好多新人，係有唔同感覺。拍住保怡同宣萱，我最直接感覺就係好有安全感，好放心，因為對大家好有信心，所以演戲過程會舒服好多！」大宇在劇中將會跟二表妹宣萱有感情線，但大宇一時衰一時好的個性，令宣萱「估佢唔到」。

男人都有感情

劇中的大宇做事令人「估唔到」，現實中的他最令人「估唔到」的，相信是2007年，大宇拍攝劇集《學警出更》，被指跟郭羨妮戲假情真，最終更為此而離婚。

談到當年離婚，自言狀態已恢復過來的大宇，努力回想那一刻的感覺。「雖然係一個男人，但男人都有感情，當時離婚的確好唔開心，個感覺就好似……好迷惘，我將來會點？跟住落又會點？冇人會畀到答案你，朋友只係可以表面上畀到安慰同支持，始於感受個係自己。」

那時候的大宇度過人生中最迷惘期，但幸而他有一班不給他壓力的家人。「成個過程裏面真係好多謝屋企人，我兩個阿哥同家姐，佢係一句說話都冇講過，返到屋企見到我仲同我嘻嘻哈哈，講吓廢話吹吓水，完全同我切身問題冇關係。喺佢眼神裏面，冇一種八卦感覺，完全冇，一切正常。呢就係一種佢唔會畀壓力我方法。而我阿媽喺成個過程裏面淨係講過一句說話：『阿仔，做人好簡單，開心就得喇！』」雖然媽媽只說了一句，但作為兒子的大宇已深知母親對他的關心與擔心。

努力面對前路

得到家人支持外，大宇跟阿寶的關係亦逐漸變好，更直認現時跟對方的感情已昇華至另一階段，問他哪是否代表有機會復合？大宇笑說：「冇喇，拍戲咩？好難！我覺得我同佢關係好似已經昇華，仲更加關心對方，份關懷同關心仲好過以前。」 大宇無意間透露買給自己的保險單，受益人仍是寫阿寶的名字，算是給前妻一個保障。

事過境遷，問大宇可有後悔當年離婚，他認真的說：「我覺得唔應該用後悔，條路係咁行，大家都唔想，但既然安排個階段大家都要離婚都冇辦法，就要去面對。」

後記：最緊要開心

經過婚姻失敗後，大宇更明白媽媽說的「最緊要開心」是甚麼意思，現時的他，已鍛練到無堅不摧的地步。「我覺得家冇一樣可以影響到我，最緊要係我自己咋嘛，甚至乎有人想傷害我，可能你覺得表面上好似傷害我，但對我講係冇。我仲有咩要唔開心呢？最緊要自己豁出去，就會冇咁易受到傷害！仲有幾年我都半百，我唔知將來點樣，當你有呢份感覺時候，你所面對同諗就會唔同。」

撰文：霍淇　　攝影：TungStar
新報　2010.05.26