報導｜黃嘉樂默默等上位 @ BELOVED

黃嘉樂在無綫已踏入第十個年頭，可能因性格太被動而未能上到一、二線小生位置。早前緋聞鬧得熱烘烘的他，忽然成「情癡」，不過他情願沒新聞，都不願有負面新聞！

外表俊朗的黃嘉樂拍了不少劇集，都令人留下印象，現時在無綫一劇接一劇的他，不經不覺已熬過十個年頭。在娛樂圈要成功，除了要講求努力外，天時、地利、人和都相當重要，問到為何還未有機會上到一、二線男主角位置，以及欠缺甚麼時，他坦言：「我係人馬座，理應好多嘢講，不過好多時為免自己講錯嘢，都情願唔講嘢，可能自己太過被動、沉默，唔係好識同人相處。」早前，嘉樂與唐詩詠、呂晶晶都分別傳出緋聞，突然變成情癡，他說：「食得鹹魚抵得渴，多咗好多雜誌報道我嘅感情生活，好多人會覺得做藝人係咁，咪當係宣傳一部分囉！不過我情願冇新聞，都唔想有唔好嘅新聞。」

古裝考演技

在正播映的《紫禁驚雷》中，嘉樂飾演納蘭性德一角，要演繹清初第一詞人，既要背熟長長的對白，又要令人不覺得沉悶，很考功力。嘉樂每次在演戲上有困難，都會想起大哥鄭嘉穎、二哥馬國明的指點和教誨：「好多時我哋拍嘢，記得對白，又記唔到啲場口、走位，所以我學二哥咁，收到劇本後，會攞本簿仔Mark低啲細節。而大哥就叫我好努力做功課，無論做乜嘢角色，都要投入，好多時都要催眠自己，唔好話自己唔得，好多時做藝人都會返番去原地踏步嘅情況，不過要同自己講，我係得嘅，唔會同人比較。」

黃嘉樂情願沒新聞，都不願有不好的新聞。